∪到第六層咯，睇見一班男女，或企在地，或坐在凳，或睡在床，俱是釘頭釘腳，釘手釘身，又另一個花樣光景。行轉一個曲，忽然看見自己個一位大嫂，坐在平石之上，有一條鐵鏈鎖住腳，有一管長鐵釘釘在左側乳頭。大發一驚，滿頭流汗，曰：“嚇嚇！奇怪，奇怪！我記得今早出門時，一大嫂尚睡在床中，叫苦叫痛，唔通一時死了？”淚即交流滿麵。青衣人曰：
“此是你個位令嫂麼？”蘭吉曰：“是也。”牢獄卒曰：“你 大嫂未死，此是生魂耳 。”蘭吉問：“幾時勾來？”獄卒曰： “勾到三年咯 。”蘭吉曰：“怪不得我大嫂生一乳瘡，三年不好，醫盡千般百計，種種無功，拜鬼拜神，都成混鬧，點估到陰司釘住佢，劫數難逃。究竟我大嫂所犯何罪，要咁樣受苦呢？
”獄卒曰：“你大嫂所犯陰毒。因你亞哥無子，立一個妾，生得一子，你大嫂恐怕個妾母憑子貴，恃寵生驕，三朝後入妾房中，窺探無人，將繡花針刺入肚臍之內，小孩子呱呱咁哭，妾歸來，以為剪傷臍帶，引動臍風，又為風痰湧結，不肯食乳，哭不絕聲，隻一日夜而死。其妾隻怨自己命運之衰，生兒難養，怎知別樣所為麼？灶君將此事奏聞玉帝，轉發落陰間。誰知佢以繡花針刺個仔肚臍，閻羅王亦以長鐵釘佢個隻乳，你話有報應有呢？”蘭吉曰：“好呀，好呀！乜知佢咁咐陰毒，唔怪得佢要個樣病法，真有天眼咯！但死者不可複生，我大嫂既受三年苦，亦可以減免罪過，求你一個方便法，將我大嫂乳上拔起一條釘，你可做得唔呢？”獄卒曰 ：“斷斷不能，要等王爺。 主意 。”蘭吉曰：“重有乜方法？”獄卒曰：“除是勸佢修心， 或可免罪 。”蘭吉曰：“亦是道理，但如今近晚，我唔睇咁多 咯，我便歸家便了 。”青衣人曰：“我帶你回去。”一路行一 路轉，一陣間歸到山頭，青衣人曰 ：“請別、請別，後會有期。” 丁蘭吉曰 ：“多煩大哥，有勞相送。”山鳥一聲，即時驚醒， 酒瓶倒地，酒亦成空，日色半落西山，發腳便走。
歸至家，聽聞大嫂姚氏，罵其妾曰 ：“食屈米，藥都唔曉 煲，水又少，堡到幹，想來食死我，你做大婆咯？個的陰毒法，你估我唔知？”蘭吉曰 ：“亞嫂唔好咁怒氣，養靜嚇罷咯。” 姚氏曰 ：“我辛苦，佢又來激我，點能抵得呀！”蘭吉曰 ：“亞嫂你本來硑辛苦，你自己愛尋的辛苦來 。”姚氏曰：“我去 那處來呀？你亞哥唔作我係人，妾氏唔作為意，連你做亞叔都唔作我係亞嫂。我知咯， 一家都宜得我死了咯！”蘭吉曰：“ 亞嫂，你唔死都作死一樣 。”姚氏曰：“因乜事□作我死了呢？ ”蘭吉曰：“你魂魄被勾落陰間，已經三年受苦。”姚氏大聲曰：“你見了鬼麼？”蘭吉曰：“硑錯、硑錯，我真真見了鬼。
”姚氏曰：“你點樣見法呀？”蘭吉曰：“我日遊山，如此如此落到陰間，見你被鐵釘釘住 。”姚氏曰：“我所犯何罪，佢 來釘我？”蘭吉曰 ：“你陰毒。”姚氏話：“我陰毒？我食你 麼？我咬你麼？”蘭吉曰 ：“你唔係食我咬我，總係將我個侄 來害死，天就唔容得你 。”姚氏拍床大喊曰：“天冤地枉呀！你個侄三朝七日死，人人皆知，今者發起顛來，話我害佢，我有咁樣心腸麼？我為個仔，偷流眼淚，眼水唔幹，提起仔個字，我就心刺，你重來話我不仁，我問你有乜憑據？你講出來就罷，若冤枉我，保佑先死了你 。”蘭吉嗬嗬笑曰：“亞嫂，你果然 好心。前者我細嫂生得個好仔，你妒思起來，三朝後入房抱起佢話 ：‘亞蘇、亞蘇，乖乖乖。’就將繡花針刺人佢肚臍，哭 到死為止，你話陰毒唔陰毒呢？”姚氏聞此語大驚，麵青青而叫曰 ：“你唔好冤枉我，睇雷公打你！”蘭吉曰 ：“雷公唔打我，閻羅王要勾你，你得做唔得做，你自己心知，我一向唔知，今日方知。若係我亞哥，大早知道你咁樣心腸，包管打理你咯！