第六章 砒霜缽 (2)
去到一間大宮殿，企在門外。聞知殿內呼喝聲，官差擠擁，忽牽入內，有一個判官唱名 ：“不孝婦鄔門梁氏到案 。”砒霜缽即跪在地上，閻王曰 ：“你係金陵大城南門外部家治之妻， 係你嗎？”砒霜缽曰 ：“正是不差。”王曰：“有人告你。” 砒霜缽回頭，望見盲家婆跪在一旁，王曰 ：“你勒死家婆，係 你一人，抑或有別人幫手呢？”砒霜缽想 ：“此事難推過新婦， 況且家婆在後，不能誣賴於人 。”遂直認曰：“小婦人一時淺 見，將家婆勒死，係我一人， 並無幫手。（有時勒死隻狗都要 兩人，勒死家婆，獨力可能做得，都是本事）今知罪過，悔恨難追，總係望王爺格外施恩，大開方便， 勿執勿怪 。”（記錯拜神之時，拋係唔轉）王拍案大罵曰 ：“你個賤婦人，好生大 膽！將家婆勒死，不知罪大通天，在陽間律例，應當碎剮淩遲，在陰間律例，要打落酆都地獄，受苦五百年，變過豬狗畜生，方成人類。但係陰間受苦，陽世唔知，我今發你還陽，將此事轉傳於人，世上多一人知，免你地下多受一日之苦。
你丈夫郎家治平日夫綱不振，容縱其妻，任由老婆刻薄老母，（世間每有此等人咁蠢才不中用）生前既不能發覺，死後又不能代老母報仇，在陰間罪案應當處斬 。”砒霜缽曰：“小婦人不孝，未 曾入過學堂，（男子學堂亦有入，仍忤逆父母）頭戴膏油，不知不識，（何以曉得罵家婆做老狗？呢）原望丈夫教導。因丈夫毫無管束， 是以犯此天條，（係丈夫叫你勒家婆嗎）望王爺 準我投胎轉世，另行孝義，以補前非 。”王曰：“今生事做不 了，何論來生！（真爽快直捷）你一生壞在個把嘴，牙尖齒利，造是生非，如今在我麵前，尚敢支離辯駁，況在陽間咒罵，重了得麼？”命小鬼將亞婦掌一百嘴巴，砒霜缽大哭嗚嗚，打得個嘴歪左歪右，（砒霜缽想扭歪家婆嘴，誰知自己之嘴重歪得多）口唇都長多一寸，唔敢出聲。判官看見，以袖掩口，側麵亦忍笑不住，笑其想賣口乖而受打也。砒霜缽拭幹眼淚，又想開聲向王爺求情，王曰 ：“不用多言。”著小卒帶他還陽而去。 鬼卒又帶他一路行，一路走，砒霜缽曰 ：“差老爺，我如今魂 飛膽碎， 嚇破心肝，（你本來硑心肝用何被他嚇得破）精神困極，腳骨軟了，（家婆條頸先軟了）容我一坐，做得唔呢？”
鬼差曰 ：“你慌硑得過你坐麼？五百年地獄在，你慢慢坐到厭都做得咯。（個隻鬼講說話，說得咁尖利，凶重鬥係過砒霜缽）
你願行即行，你唔肯行又照先時咁樣拖你隻腳 。”砒霜缽曰： “唔好咯！我怕你咯！我情願快的走咯 。”
一陣間，歸到屋內，被鬼差一推而醒，大嚇一驚，周身冷汗出來，床中被褥濕透，自怨歎曰 ：“該死、該死！就係一死 都未能了局呀！婆婆呀，乜你唔解生，等我奉事下呀！”（你奉事得多，佢心亦足咯）一夜，暗中流淚，以手自己打頭，總之，怨錯天光。後新婦入房來，叫洗麵，唔願起身，新婦問其何故，砒霜缽曰 ：“我牙痛，牙骨刺，牙肉腫，大約有牙蟲都 唔定咯 。”新婦曰：“我試睇下。”砒霜缽搖手曰：“駛七睇 呀！我尚下痛到死咯！”新婦走埋床，展開被一望，果見腮頰兩邊，皮肉浮高，麵似豬頭咁大，唇又長，眼又深，口旁之處但現瘀黑色，好似打痕。新婦暗驚奇怪，遂問曰 ：“今朝另外煲過白米頭，局的好臘鴨，與你食，著唔著呀？”砒霜缽曰：
“唔食得咯！粥水都唔輕易飲得啖咯！”竟然眠在床上，餓了 三日。（家婆飽死，佢怕餓死）忽然身中生得無數瘡仔，上生至頭，下生至腳，連到手指、腳趾、頸喉、耳鼻，處處皆然。
周身黃膿白泡，藥散敷之，連肉都卸落地，醫家無計可施。惟背後一瘡更大，漸爛漸闊，穿了一個大孔，似岩洞之深，望見肚內，心肝脾肺俱現藍黑色，（其心更黑幾倍）名醫家不能識其證。醫家曰 ：“書有載講，惡聲大瘡，唔有見過毒得咁淒涼。 ”（此醫家看外科書，不過曉得一半，知佢毒瘡，唔知佢惡呀）
砒霜缽曰 ：“我一世好心，（更兼好口）唔知點解生得個咁樣 病， 總之係前世唔修咯！”（今世是真）新婦向側麵，掩口暗 笑，知道係勒死家婆證也。醫家無法，隻以大油紙鋪住，好似繃鼓一樣， 免受生風。（唔似得縐紗帶束住可更好）鄰裏來問 病，不敢望其背，因有一婦見之，被嚇一驚，歸家成病。醫家告退，砒霜缽叫苦連天，痛了幾十日，胸但似火，骨節似刀切，喉極幹，頸極腫，（家婆死時有咁腫）如坐火炕，如睡筋床。