第六章 砒霜缽 (1)
江南金陵大城南門外，有一人姓鄔，名家治。父子出外做生理，家中有老母，年近七十，雙目久盲。妻梁氏，氣質凶橫，常以毒口咒人，人加其號為“砒霜缽”，事家婆尤為忤逆。娶媳韓氏，性頗柔順，心不服砒霜缽所為，亦無奈何也。
一日，砒霜缽罵盲家婆曰 ：“你個老狗？，好死唔死，在 此食屈米，偷生人世，要你何用呀！”盲家婆曰 ：“我食我子 孫的米，又不是你在外家帶歸來，何用你咁眼緊哩？你一世都係欺負我。（唔通個仔都唔知）我如今又盲又老，有幾久世界，你自己都要顧下本心，恐怕雷公打你 。”砒霜缽發怒起來，蝦 咁跳，大聲曰 ：“你個老狗？，乜知咁心毒麼？想請雷公來打 我，我又硑得罪雷公，因乜事雷公來打我呢？我唔怕雷公，隻怕老公，但係我好命，嫁得好老公，一世唔曾罵我一言，打我一棍，（分明縱妻之惡）唔比同你個老狗？，咁心毒，日日要罵人，方得安樂。
你話我欺負你，點樣欺負法？你逐一要講出來，若講不出， 要切歪你個嘴！”（惡生個樣子）盲家婆曰： “且勿論前之事，即如近兩月間，我仔付回臘鴨八隻，臘肉十 斤，你將臘鴨送與亞姨，送與契友，東一隻，西一隻，我何曾食得幾多件呢？將臘鴨晚晚煲五更飯，今晚一煲，明晚一煲，我何曾食得幾多件呢？”（今世人出外亦寄食物歸家，但老婆主權，父母所食有限）砒霜缽曰 ：“你時時怨有牙，唔食得硬 物件，個的臘鴨咁幹，你唔著食咯，你近來腸肚弱，食的肥膩就屙就瀉，個的臘鴨肉，你唔著食咯。（惡婆亦有道理）況且信皮寫雲：付回家下收入。 丈夫稱我為‘家下’，你叫做‘家上’，照講來，與你無幹，做乜你咁要餐呀？（做得大狀棍，無理議出有理來）盲家婆曰 ：“我硑得食麼？要有衣著為何你著綾羅綢緞，我總係粗衣麻布呢？”（丈夫肯作置老婆，做仔唔肯打理老母）砒霜缽曰 ：“個的係老公打扮我光輝，我修得 到，係我之福，你一世唔修，所以有福。（專門講祈福說話）
唔通六七十歲老太婆，重整成咁好色水麼？”盲家婆曰 ：“我 唔要好色水，都要補破遮寒呀！為何我的衣服穿爛，有時鈕耳崩、衫袖裂，你為婦道，何解總唔打理呢？”砒霜缽曰 ：“我 有我事幹， 點樣得閑打理呀？”（娶新婦何用）盲家婆曰：“ 你唔得閑，我有孫新婦得閑，為何我叫佢漿洗，你定必叫佢去東去西，致我衣裳浸爛者有之，發黴者有之，分明故意收什我。
”砒霜缽曰：“我個新婦，係我娶歸來，不是你作置的，問你一世有何本事，既做人家婆，已經享福太過，又想做人太婆，你實在唔知足 。”盲家婆曰：“我唔講得你贏，你個把嘴終須 要折騰死，落閻羅王要勾你舌根 。”砒霜缽以手指向盲家婆曰： “勾、勾、勾，勾你個盲鬼！有人有你咁心毒，開口就呼我做 砒霜缽，你試想下，煮熟飯何嚐唔許你食？煲滾茶，何嚐唔許你飲？你自己問心呀！有天知、地知、人知、鬼知，睇過係我欺負你唔係呀！ 睇過話你好抑或話我好呀！”盲家婆曰：“你 有錯，你有錯，終須個天饒你唔過 。”孫婦韓氏多方勸解，兩 人歸房而罷。
六七日後，砒霜缽心猶大忿。一日，心生一計，看見盲家婆在房中抽扯櫃箱，搬取物件，新婦又往鄰家磨穀，即解下縐紗包頭帶，打一個神仙索，輕輕移步人房，向盲家婆頸上一箍，出盡生平氣力，勒到盲家婆手亂扒、腳亂跳，欲喊不能出聲，欲活不能通氣，雙膝跪在地上，頭搖發亂，腰背擺左擺右、或高或低，眼中水火齊來，砒霜缽仍不肯放手，勒至死為止，嗚呼哀哉而氣絕矣。砒霜缽解脫縐帶，尚恐其生，用手掩住口鼻，局了一回，然後放手又側耳向他口鼻處細聽， 不聞聲息，（此 地種草都無生了）知其真死無疑，盡勢拖挽，放在床頭上。
一息間，新婦歸來，砒霜缽細聲曰 ：“亞嫂，我有一件緊要事吩 咐你知，隻可你知，不能傳說於人 。”韓氏見其麵色慌忙，青 筋起現，知其必有古怪之處，遂低頭答曰 ：“婆婆有何吩咐？” 砒霜缽曰 ：“你個盲太婆，我一世共佢有緣份，個條命總唔合 得佢，佢係我眼中釘，係我心頭火。我先時將他勒死，鄰裏來吊香，我自有講法，你不用多言。就係我老公及我仔歸來，你亦不得泄露機關，講其來曆。你若疏言，我定必要死，我亦斷唔容得你，要先將你勒死，拚之同你一鑊熟 。”韓氏聞言，大 嚇一驚，隻得對曰 ：“謹照婆婆所教，不敢多言。”砒霜缽曰： “隨得你，你唔怕死，即管講。”韓氏心內叫苦，不覺淚流滿 麵。砒霜缽曰 ：“我都