道言未了，果然一簇冠裳釵黛，蹌濟繽紛，從後麵山坡下兜過來。打頭就是姚文君，打扮得結靈即溜，比眾不同。周雙玉、張秀英、林素芬、蘇冠香俱跟在後，再後方是朱淑人、高亞自、尹癡鴛、齊韻叟暨許多娘姨、管家。齊集於拜月房攏，隨意散坐。
陶雲甫乃向姚文君道：“坎坎我自家到耐屋裏去問，耐無(女每)說，癲頭黿昨日咿來，搭俚說仔倒蠻相信，就是一班流氓，七張八嘴有點閑話，我說也勿要緊。”
齊韻叟亦向陶雲甫道：“再有一樁事體要搭耐說，令弟今朝要轉去，我問俚：‘阿有事體？倪節浪末再要鬧熱鬧熱，啥要緊轉去？’令弟說：‘去仔再來。’難末我倒想著哉：明朝十三是李漱芳首七，大約就是為此，所以定歸要去一埭。我說漱芳命薄情深，可憐亦可敬。倪七個人明朝一淘去吊吊俚，公祭一壇，倒是一段風流佳話。”雲甫道：“價末先要去撥個信末好。”韻叟道：“勿必，倪吊仔就走，出來到貴相好搭去吃局。我末要見識見識貴相好同張秀英個房間，大家去噪俚哚一日天。”覃麗娟按說道：“齊大人再要客氣！倪搭場花小點，大人勿嫌齷齪，請過來坐坐，也算倪有麵孔。”
須臾，傳呼開飯，管家即於拜月房櫳中央，左右分排兩桌圓台。眾人無須推讓，挨次就位：左首八位，右首六位。齊韻叟留心指數，訝道：“翠芬到仔陸裏去哉？今朝一徑勿曾看見俚。”林素芬答道：“俚起來仔咿困來浪。”尹癡鴛忙問：“阿有啥勿適意？”素芬道：“怎曉得俚，好像無啥。”
韻叟遂令娘姨去請。那娘姨一去半日，不見回覆。韻叟忽想起一事，道：“前日天，我聽見梨花院落裏，瑤官同翠芬兩家頭合唱一套《迎像》，倒唱得無啥。”林素芬道：“勿是翠芬囗。俚大曲會末會兩隻，《迎像》勿曾教（口宛）。”
冠香道：“是翠芬來浪唱。俚就聽俚哚教，聽會仔好幾隻哚。”陶雲甫道：“《迎像》搭仔《哭像》連下去一淘唱，故未真生活。”高亞白道：“《長生殿》其餘角色派得蠻勻，就是個正生，《迎像》、《哭像）兩出吃力點。”齊韻叟聞此議論，偶然高興，再令娘姨傳喚瑤官。瑤官得命，隨那娘姨而至。眾人見瑤官的哚圓的麵孔，並不傅些脂粉，垂著一根絕大樸辮，好似烏雲中推出一輪皓月。韻叟命其且坐一旁，留出一位，在尹癡鴛肩下，專等林翠芬。
維時，上過四道小碗，間著四色點心。管家端上茶碗，並將各種水煙、旱煙、錫加煙裝好奉上。朱藹人獨出席就榻，仍去吸鴉片煙。陶雲甫乃想起酒令來，倡議道：“龍池先生個‘四聲酒令’，倪再行行看。”尹癡鴛搖手道：“勿成功。一部《四書》，我通通想過，再要湊俚廿四句，勿全個哉。就為仔去、上、平、入，單有一句‘放飯流歌’，無撥第二句好說。”雲甫不信，道：“常恐耐勿曾想到。”癡鴛道：“價末耐再去想。有仔一句‘去上平入’末，其餘就容易得勢。最容易是‘平上入去’：‘時使薄斂’、‘君子不器’、‘而後國治’、‘無所不至’、‘然後樂正’、‘為禮不敬’、‘芸者不變’、‘言語必信’、‘今也不幸’、‘中士一位’、‘君子不亮’、‘來者不拒’、‘湯使毫眾’、‘夫豈不義’……好像有廿幾句哚，我也記勿得幾花。”雲甫想著一句道：“‘長幼之節’，倒勿是‘上去平入’？”癡鴛道：“我說個‘去上平入’無撥呀！‘上去平入’就匆稀奇：‘請問其目’、‘於路、曾晰’、‘父召無諾’、‘五畝之宅’、‘子在陳日’、‘改廢繩墨’，才推扳一點點。”眾人見說，憮然若失，皆道：“《四書》末，從小也讀爛個哉，如此考據。可稱別開生麵，隻怕從來經學家也匆曾講究歇囗。”
不想席間講這酒令，適值林翠芬摯那娘姨，穿花度柳，柵搬來遲，悄悄的站了多時，大家都沒有理會。尹癡鴛覺背後響動，回頭看視，隻見翠芬滿麵淒涼，毫無意興，兩鬢腳蓬蓬鬆鬆，連簪釵釧環亦未齊整，一手扶定癡鴛椅背，一手隻顧揉眼睛。癡鴛陪笑讓坐，翠芬漠然不睬。癡鴛起身，雙手來攙。翠芬摔脫袖子，攢眉道：“（要勿）囗！”齊韻叟先“格”聲一笑，引得眾人不禁哄堂。癡鴛不好意思，訕訕坐下。