啊進完全唔知有個人行左埋黎...“啊進，你係度霖咩啊...”原來係子晴無聊想穩啊進傾計，後來問下人先知啊進來左呢度坐.“冇啊...頭先見到之前噶女朋友紮嘛..傾左陣計...你做咩會識得來呢度噶..”啊進唔知點解子晴會識得來呢度穩距...“啊華話俾我知噶..”
“原來係咁樣...”啊進見完阿靜之後就成個人好似變左..同平時唔同..平時好熱情，以家就好冷淡..子晴淨係聽語氣就聽得出啦..“點解你唔去追翻人地噶..人地有男朋友定係咩啊...點解覺得你好似唔係好開心咁樣噶.”子晴其實都好八卦..（D女仔對感情問題多數都好八卦噶啦.）
"距都冇拍拖..淨係...”啊進合埋對眼深呼吸...“點解你唔去追翻人地啊，你把口咁得.淨係你唔想挽留啊...”子晴覺得啊進把口氹女仔好得.“渠好硬頸，我好多朋友都幫我向渠求情...但係渠一樣都係冇理我...算啦都半年啦..唔過去都過去拉，撚來做咩？”啊進合埋對眼訓係張凳度..好似好吾開心，霖緊D乜嘢咁樣.“有陣時，有D也失去左，對自己好重要噶話...你就一定要去挽留...唔係噶話會後悔一世噶...”子晴有時幫人地解決愛情問題仲勁過幫自己.“我試過挽留，可惜人地唔領情..不過我一向都好尊重距噶決定，所以無謂勉強啦...”啊進當初為左挽留那段情..好多事情都做過，但係都無補於事。
"其實你地當初係點解會散噶，好似你咁樣噶男仔，應該好搶手噶....又識得煮野吃，又浪漫，又對人好又細心，個樣又睇得下..你以前對人地唔好？”子晴覺得啊進應該就係傳說中噶好男仔，點解會冇人要噶...哎...“唔知點樣同你講好啦...不過我自己都唔知自己個時對渠好定係唔好..但係我絕對冇做過對唔住渠噶野....”啊進對感情都好認真..所以都好容易受傷。（容易受傷的男人）
“如果係我就肯定唔會離開你啦，咁難先穩到好似你咁樣噶男仔..幾難穩啊...”子晴覺得個個女仔今次走雞啦..。啊進咁好噶男仔去邊度有得穩啊.
"咁樣講窩...我抵霖D，要左你啦...就咁樣話啦，我跟定你成世唔走噶啦...”啊進幾時都係甘厚麵皮噶啦...不過睇渠個樣心情好似好翻少少..“都唔知你講真定係講假噶...你呃我米死..阿媽話男人信5050就好啦，唔係會死得好慘噶...”子晴唔知啊進講真定係講假，而且..都係冇果種勇氣去接受.“你唔信就算啦...放學啦..。快D吃飯啦...我好肚餓啊...唔同你講啦...”呢個時候放學噶鈴聲都響左啦...啊進好肚餓就想走先去吃飯..（同學愛新鮮，吃飯大過天..）
“切...吃吃吃，肥死你啊...我本來都打算考慮同你一齊噶..不過你成日吃，都係唔好啦....遲D你變左個大肥仔米死”子晴見啊進成日都係吃同訓...啊進就快肥過隻豬啦。
“本來都冇人要噶啦...我肥成點咪又係孤寡老人一個.有咩所謂喔...吃飽飯先有力溝女噶係唔係先...”啊進未講完就...人影都唔見埋..
（靈感唔係甘好..所以可能呢兩篇或者有D悶，請大家原諒..）