張敏：ok，拜拜！
周星星：拜拜！{}{p}周星星：拜拜你條尾，又過一關。{}{p}（阿達突然間喺身後拍周星星膊頭）
阿達：星呀，星！
周星星（轉身）：邊位呀？
阿達：我呀！
周星星：認錯人嘞，大佬！
阿達：認咩錯呀？（揭咗周星星嘅麵具，死火，穿煲嘞）
阿達：啊！唔係聽到你把聲，幾乎唔認得係你呀。喂，坐坐坐坐！
伯母（指指厾厾）：乜原來係你吖！
阿達：係，佢佢佢！坐坐坐坐！喂，呢啲環境我幫你搞掂佢！missho，嗱，你唔使嬲呀。星仔點解成日同sandy喺埋一齊呢，主要就為咗公事架咋。噉物中間佢哋兩個有冇少少私事噉就好難講喇。
（周星星想講）
阿達：唔好嘈呀，呢啲嘢呢你就唔好當真嚇。（同sandy講）你都唔好認真呀！其實星仔份人呢就好有上進心架。嗱，今次俾警察部炒佢魷魚呢，佢都要死返嚟做臥底。重有呀，佢為咗做臥底呀，連你哋預備結婚嗰十幾萬都用埋呀！陰功！你話幾難得呀！而家佢好閉翳，你睇嚇佢樣幾咁閉翳吖，嚇嘩？所以而家大家想嚇辦法，幫佢諗掂佢。大家想嚇辦法。
張敏：即係唔使結婚！（拂袖而去）
阿達：哎吖！好辦法呀。嗱，噉**搞掂囉，一諗就諗到嘞，唔結婚**得囉。
周星星：今次我俾你累死嘞，你條豬揼兜！（撇）{}{p}阿達：做咩侮辱我呀？我幫你架。{}{p}政治部臥底：好彩我哋政治部，冇你呢啲噉嘅人。豬揼兜！
阿達：豬揼兜你叫架？
a：咩呀？豬揼兜唔叫得呀？
阿達：叫多聲呀。
a：豬揼……
（阿達用拳頭猛打a）
b：你做咩打佢啫？
阿達：鬼叫佢窒我呀？
政治部臥底：我夠窒你呀，又唔見你打我。
阿達：我唔夠你打。
政治部臥底：你知就好嘞。（madam辦公室）
madam：飲茶啦！你唔好焗氣啦。政治部對你千port萬厾，無非都係嫉才咋嘛。你唔使驚，有我，我頂得住。但係單case就要靠你喇。其實問題唔係出喺你身上，係嗰個周星星。呢位小朋友過分走喇，佢遲早出事架啫。你都要小心啲嘞噃。（攞出一張卡）嗱，去開心嚇啦。我畀你嘅附屬金卡。
阿達：你教我做嘢呀？
madam：唔係呀！
阿達：以後喺我麵前唔準講我朋友壞話。（收埋金卡）
madam：我就係最欣賞你個人咁有骨氣。你知嗎？警局上上下下嘅人都對你好欽佩架。話你為人正直，辦事得力，樂善好施。如果呢個世界多啲你噉嘅人，就世界和平嘞。噉你準備點呀？
阿達：趕個衰仔出校！
madam：好呀！{}{p}（學校，sandy形影不離噉黐住周星星）
周星星：我就嚟結婚嘞，你跟住我冇用架。
sandy：我鍾意呀。
周星星：你噉冇前途架。
sandy：我唔要前途呀。
周星星：你唔要畀第二個呀。你唔好嚟煩我得架。
sandy：噉我點？
周星星：你點問你阿媽呀，你唔係嚟問我架嘛。
sandy：你到底有冇鍾意過我嘅？
周星星：哈！哈！哈！大家逢場作興嘅嘢，心照啦。
sandy：吆！（嬲爆爆噉行返去自己嘅位）{}{p}周星星（坐低，細龜離佢成尺咁遠）：做咩呀？而家我帶菌架？
細龜：jacky話你份人無情無義，叫我唔好黐埋你度呀。{}{p}阿sir：各位同學：我哋今日嚟個測驗，好唔好呀？
學生（掟嘢）：梗係唔好呀！收皮呀你！
影視傳奇84：
１０8小說www.bOoK108.CoM鯁新