（10８小說Www.BOok1０８。COM更新）影視傳奇79：更新時間：2014-03-0319:42:57。（海邊細龜、番薯、周星星、）１０8小説WwW。BOok１０８。cOm更噺
周星星：我要返學校做臥底，需要揾幾個助手同我一齊扮學生混入去學校裏便。呢幾個人，一定要堅強敏捷，智勇雙全，所以我揾你哋。6875031ad336();
細龜、番薯、某某：唔製！
細龜：你分明“昆”我哋。
周星星：你點知架？
細龜：我哋咁狗，點似堅強敏捷，智勇雙全呀？
番薯：你**以為我哋真係傻至得架。
某某：**係。我哋雖然狗，但係都狗唔曬。咁易俾你呃到架？唔製！
番薯：唔製！
細龜：唔製吖！老大都唔製吖！
某某：唔製！唔製！
周星星：想要幾多錢，講啊！
細龜：萬五！
番薯：三萬！
細龜：每人萬五！
番薯：逐個月計！
某某：港銀，唔係yen！
周星星：成交！
細龜、番薯、某某：多謝老世！多謝老世！
番薯：食飯嗱！食飯嗱！
細龜：一齊食飯！（拍住番薯膊頭）都唔明點解又要搞單噉嘅嘢。
番薯：**係。
周星星（拍住細龜膊頭）：因為我要話俾人聽，我係飛虎隊第一號殺手。上一鑊學校失槍案，我一夫當關，萬夫莫敵，（拉住細龜衣襟）而家就算唔係總警司，都應該係總督察。絕對唔係交通部pc編號167。你明嗎？
細龜：我明。
周星星：你講大話！你咁狗，點會明呀？
細龜：星哥，我很狗，但我很聰明。{}{p}（幾個人睇地圖）
周星星：英國政府如果係一個禮拜之內，亦即係嚟緊呢個平安夜淩晨之前，重唔釋放呢一個恐怖組織嘅阿頭嘅話，班恐怖分子就會喺香港其中一間學校裏便搞大鑊。
細龜：喂，星哥，英國政府嘅嘢關香港咩事啫？
某某：係。
周星星：英女皇生日你放唔放假？
細龜：放啊。
周星星：即係關事啊。
細龜：係。
番薯：但係香港有咁多間學校，我哋入邊間好啊，星哥？
周星星：我已經分析過架嘞。正話香咗嗰個政治部臥底就係伏喺呢間adamsmith國際學校裏便。而喺呢間學校裏便讀書嘅呢，全部都係啲乜乜領事物物大袋嘅仔仔女女嚟。所以如果我係恐怖分子嘅話，我一樣會喺呢度搞事。
細龜：噉萬一你估錯呢？
周星星（同細龜講）：萬一估錯就打鑊你。
細龜：金唔金架？
周星星：999千足純金。嗱，而家你去準備，我去報名。
細龜（雙手合十）：星哥，唔好估錯！星哥，唔好估錯！星哥，唔好估錯！{}{p}（adamsmith國際學校）
周星星：請問阿金校長喺度嗎？
職員：金經理嚇嘛？
周星星：校長，唔係經理。
職員：都一樣架啦。直行轉左第一間嗱。{}{p}（周星星喺校長室門外敲門）
周星星：金校長嚇嘩？
*金校長（打緊電話）：入嚟呀！入嚟呀！喂，我有客走咗嚟，遲啲再傾呀。（收線）hello!hello!有咩可以幫到你啊？
周星星：我想報名讀書。
金校長：邊一間呢？
周星星：adamsmithinternational.
金校長（撳電腦）：form幾啊？
周星星：form6,四位！
金校長：啊，有位。等我幫你辦手續。
金校長（睇周星星嘅資料）：周星星同學，你幾多歲呀？
周星星：十八歲。
金校長：唔係嚇嘩？睇落至少廿八。
周星星：唔係吖嘩？
金校長：哎！唔緊要！唔緊要！廿八又好，卅八都好，你千祈就唔好自卑，至緊要你哋肯讀呢就我哋肯教架嘞。
周星星：噉物最好囉。